وبلىس ورتالىعىنداعى وقۋشىلار سارايى عيماراتى الاڭىندا وتكەن «جەڭىس ءۆالسى» اتتى مەرەكەلىك باعدارلاماعا مەكتەپ وقۋشىلارى,اتا-انالارى, جاستار, قالا تۇرعىندارى قاتىستى.
سوعىس جىلدارىنداعى «كاتيۋشا», «سيني پلاتوچەك» سياقتى اندەر شىرقالدى. مۋزىكالىق كولەدج وركەسترى «جەڭىس كۇنى» ءۆالسىن ورىندادى. سارايدىڭ «ۆدوحنوۆەنيە», «اناستاسيا», «بلەيز» سياقتى بي ستۋديالارىنىڭ ءبيشى قىزدارى مەن قالاداعى كادەت اسكەري مەكتەپ-ينتەرناتىنىڭ تاربيەلەنۋشىلەرى ۆالس بيلەدى.
مەرەكەنىڭ ۇيىمداستىرۋشىسى مارينا بيلايادىڭ ايتۋىنشا, ءبىزدىڭ وڭىردەن دە وسىدان 70 جىلداي ۋاقىت بۇرىن 46 مىڭنان استام جاۋىنگەر سوعىسقا اتتانسا, ولاردىڭ 22 مىڭنان استامى مايدان دالاسىنان ورالماعان كورىنەدى. ءاربىر وتباسىنىڭ جان-جاراسى, ەستەلىكتەرى بار. سوعىس جىلدارىنىڭ اۋەندەرى مەن بيلەرى ەشقاشان ۇمىتىلمايدى. ويتكەنى, ونى ەسكە الۋشى بىزدەر بارمىز,-دەيدى. اۋەندى ۆالس بيلەرىنەن سوڭ, الاڭاع شىققان سارايدىڭ «جاس داۋرەن», «ارمان شوۋ», «دەبيۋت», «ايدار-اي!» ءان توپتارى «انا تۋرالى باللادا», ء «اليا» اندەرىن ورىندادى.
فاريدا بىقاي,
«ەگەمەن قازاقستان»
پاۆلودار